محاورة جرت بين الشاعرين الكبيرين خلف بن هذال العتيبي والشاعر عبدالعزيز بن حمد البادي رحمه الله,.
عبدالعزيز:

سلامي برده من هجوسي واغني الي طاب لي والا فلا من غصيبه والا يا خلف ذا الليل وش جاك مني كفيت القدح من عقب شفنا حليبه

خلف:

الا مرحبا ترحيب والكذب عني علىواحد دايم يشيله بجيبه ولو تضحك الحجان وتشوف سني ترى القلب فيه من الليالي مصيبه

عبدالعزيز:

انا خابرك في بعض الامراض فني ولا كل جرح باخص به طبيبه سعود الليالي السود وين انتخني هات العلم يوم انك تعدا الجذيبه

خلف:

اعالج عيون بالدواء يمر حني واسمر عظامك لو عظامك صليبه انا اقول لا صاحي ولا اقول جني سمعت الرطينه يالحمامه غريبه

عبدالعزيز:

كثير العرب ما جت له بالتمني ولا كل نفس بعيبها مستريبه انا احسبك ظنك ما يخالف لظني نبي الغوج بالميدان يطفح سبيبه

خلف:

جمل ما يثور وفا لمراحم متثني ارده على السهله ويرقا الجذيبه رياله جديد وفا المصارف يدني ولا باعه الاقشر ولا يشتريبه

عبدالعزيز:

لا من الليالي بالسعد حالفني ترى من بداله طورق ينتهي به عرفت الرجال وذقت رمح المطني ولا ساوت الطمعات حبه زبيبه

خلف:

لياليك سود ومن عذابك توني مثل ما تون اللي ذكرها اغديبه الا يا كبير القلب لا تمتحني ترانا عزاز ولا نحب الغليبه

عبدالعزيز:

نهيتك لكنك يا خليف امتعني هذاك الطريق المشتبه وش تبي به سبور الليال بالخبر يا صلني ومن كان مطلوبا ينبه طليبه