اخاف ما تعجبك باق الهدايا
وقدمت لك قلبي بكفي هديه
هديتك من بين كل البرايا
قلب غدى فالحب ورده نديه
تستاهله يا اللي سكنت الخفايا
وافي ولا اذكر فيك خصلة رديه
متفرد فالناس كلك مزايا
عساك عقب اهديه ترضى عليه
روحي تحبك والمشاعر مطايا
تسوقني لدربك حيام ظميه
ماهز قلبي صورةٍ فالمرايا
ولا همني نظرة فتاة جريه
انا لك الله عارف به حيايا
ايضا واعرف المخطيه والقديه
اعيش واتسمى حسين النوايا
ولا دنست بالشين راحة يديه
لو نالني من بعض ربعي خطايا
فسرتها بين الملا بحسن نيه
لله ما انشد ليش ذيك السوايا
اعفي ولو عندي لها مقدريه
