يا نبت ما عاد لك في خافقي مبقا

دامك نسيتي وفاي وطيب معروفي

ايه ارحلي يا عسى هي ساعة تسقا

وعسى الفراق ان حصل بالخير مخلوفي

والله لو انك لقيتي فالهوى ما القا

ما يوم توفين في حبي مثل ما اوفي

لكن صبرت ورقيت بعالي العرقا

وبديت امام العلا ما ردني خوفي

وانتي لقيتي عن عيون العلا متقا

وتعاتبني ولا قاسيتي ظروفي

فان كان ما ناسب الك اللحن والطرقا

وتبين عن حالتي توضيح ووصوفي

شوفي عيوني بعبرات الاسى غرقا

كني اسير ما بين اعداه مكتوفي

سبة هيام بقلبي محرقه حرقا

جدد جروح الزمان اللي كلت جوفي

فان ما رفقتي بقلب فالهوى مشقا

مالك ومال الجروح اللي به تحوفي

خلاص انا عنك باصفح واعلن الفرقا

وانفض غبار الوهم من راحة اكفوفي