النوم عيّا يجيي,, والليل قرب يروح

والعين ما عاد ينفعها لذيذ المنام

رغم التعب والأرق,, رغم ازدياد الجروح

ما عاد تهناني الراحه وقلبي حطام

في دنيتي شفت لي بارق يطل ويلوح

وذا وصلته لقيت أنه سراب وضلام

ما عاد أميز كلام الجد وأهل المزوح

وما عاد أميز حلال القوم وأهل الحرام

لاكني أمشي مع العالم وقلبي سموح

وآخذ من الناس عبرة واتحاشى الملام

أحاول أكون لصحابي صديق ونصوح

وأحاول أقصر مع النمام كثر الكلام

ولا الردي سرت مالي به يجي أو يروح

ما بيني وبين بعض الناس غير السلام

هذا طريقي وأنا لي فالليالي طموح

ولا لي مع الناس غير الطيب والاحترام