يا صاحبي هجرك ولو كان زادي

ما يثّر بقلبٍ من الوقت مذبوح

وإن كان يا الغالي,, نويت العنادي

فأنا ترى مانيب لأقفيت,, بنوح

ربيت مع همّي وأنا في مهادي

وأرضع حليبٍ,, خالطه هم وجروح

ما يدله الخاطر,, ولا هوب هادي

والفت أنا همٍ تعاشر مع الروح

طال الشقا,, حتى غدى شي عادي

وأكيد بستغرب,, ولو لحظة يروح

وراعي التغلّي عندنا,, ما استفادي

والله مالك من تغليك,, مصلوح

ويا صاحبي,, لو طال هجرك وزادي

وشلون يذبح خافقٍ,, كان مذبوح؟؟!!