الشاعر واسم أبو صخيل هو حفيد الشاعر الكبير / محمد ابو صخيل يرحمه الله والذي يعتبر من أكبر شعراء قبيلة سبيع, واسم كتب قصيدة جيدة لكنه اطال ونحن ندعو إلى الاختصار ففيه إفادة يقول واسم:

يالله يامنشي ثقيل السحايب وبامرك تحرك ساكنات الهبايب خفف عناء من يشكي الهم والعنا لاهوب مرتاح ولا النوم طايب الا ولايشكي هوى شرد المها نحاف الخصور معكرشات الذوايب شكواه يامولاه تعلم بغيبها عليم مايخفى ولا انته بغايب انت الإله وعالم كل ماخفا ياخير من يدعى لكشف النوايب يارب من مدات جودك وفضلك يدعوك عبدك رافع يديه تايب من عقب ماحقق بعينه وشاهد شاف العجايب في زمان العجايب يارب من غايات قلبي ومقصدي تردني بعض الامور الصعايب لي غاية يحول بيني وبينها جور الزمان وحاجتين ذهايب غاية ولابينت للناس سرها اخفيتها عن هرج مخطي وصايب اخفيتها عن ناقل الهرج بالقفا قبرتها قبر ولا له نصايب ولا لغيرك يا إلهي شكيتها يارب ماغيرك بها لكون ثايب قلته وأنا مازال فكري يسوقها بنات فكر من ضميري غرايب نوادر لاضاق بالي يجيبها لازاد ضغط الدم جني هرايب اثقل من الثقيل في ساعة الغضب وارق من نسمة نسيم الهبايب في كل حال تطيعني واعتني بها وادري على معناي ينقال عايب وانا بشر مانيب معصوم من الخطا وادمح بعد زلات بعض القرايب الأولة والثانية معتني بها والله ما اتعب في طلبها الركايب وان شفت لي عوجا تجنبت دربها مانيب عشاق لكثير النشايب وانصحك ياللي ساق نفسك غرورها نصيحتي لله مامن غصايب نصيحتي كانك تبيها فخذها احذر تجالس في المخاليق خايب احذر تماشي راعي الهون والردى ابعد وجنب عن طريق الزلايب رافق غلام ساعة الضيق ينفعك اللي علىماقيل عطب الضرايب ياقف مواقيفك ويارد مواردك ماهوب لاجا ساعة الضيق هايب وخذ من ابيات الزلامي عبرة لاضاع رايك شف من القوم شايب صميدع رايه يدلك من القدا رايه لمطلاع المعالي سبايب ولاتسرع فالتسرع جهالة ولاتصير عشاق لكثر الطلايب وابعد تحب وكن عفيفاً تكرم قول سبقنا مالقي به شوايب واحرص على عمود الإسلام فإنها تصبح ذرى لك عن سعير الهبايب ولوالدينك قم على غير منة لو ماحصل من نايب الوقت نايب اخفض جناحك ذل واكسب رضاهم كسبك رضاهم هو خيار الكسايب والجار له حق كبير موثق وقت الرخا والّا بوقت المصايب والضيف قدم له هلا حين جيته خلك مع ضيفك بوصف الحبايب وقدم له الميسور من فضل خالقك افضال راعي المد جزل الوهايب واعرف ترى الخوه لزوم وقبلنا حرصوا عليها متعبين النجايب اللي لهم في ساعة الضيق وقفه وارواحهم يوم الملاقا جلايب واحفظ لسانك لايجي فيه زله لاتكون هذار كثير الكذايب ولاتطاوع الهراج لاجا بكلمة للهرج نقال وللهرج جايب يشب نار يجرح الجاش صلوها تصعب على راعي الفكر والطبايب شذابة العرقوب تباعة الردى اهل النمايم جعلهم للذهايب تمت وصلىالله على سيد البشر على محمد عد وبل السحايب