عزي لمن رزقه ورى النذل يبغاه
والله ليقعد مفلس لو يجوعي
يخيب ظن اللي بعد بيترجاه
ما هوب يمه لو جلس له اسبوعي
لو ان به خير تبين وشفناه
عيب الفتى وان قال علم يتوعى
كم واحد بيموت ويكب دنياه
امله بعيدن مار جاه الفجوعي
لكن كل يذكرونه بمعناه
ثلاث فيهم مع حسين الطبوعي
الدين ساس المجد والصدق مبداه
من طاع ربع مالك الله يخوعي
والثاني اللي فالمواجيب تنصاه
حلالها لو اردفن الجموعي
والثالث اللي تذبح الحيل يمناه
ما هوب لاش دون كبشه جزوعي
واشوف بعض الناس شغله مراواه
يصلي الجمعة نهار الربوعي
مر لبيب ومر تكره سجاياه
ضيع مسيره فاختلاف الطبوعي
ما هوب يفهم في طريقه وممشاه
احيان يأخذ غفلة ثم يفوعي
