سالم:
سلام مني عليكم عد ما ينشن الامزان من طرقي من بعيد الدار لهل الدار لافي |
ناصر:
يا مرحبا يالمسولف والرجال اشكال والوان تعطيك واجبك يا بن تويم والمشروب صافي يا مرحبا يا عميلي دام لي عين ولسان والله مكرهك بالطاروق يا صقر النصافي |
سالم:
عز الله اني لهل هالدار يوم ان جيت طربان وان جاز لي ما قف الشاعر عطيت الوزن وافي المكسب اللي طلبته قصدي شوف فلان وفلان ولا جنوب الملاعب يا بعد حالي خفافي |
ناصر:
حقك علينا نبا نرضيك والماعون مليان والله لارضيك يابن تويم دام الكيل وافي ما فيك قاصر عسى ربي يديمك يا كحيلان لاشك بعض العرب مفتون لو النور طافي |
سالم:
يا رجلي قيفي على رغبة شيوخ اطوال الايمان ربع لياء جاهم الناصي يذكون الهرافي اليا حشمة الخصيم يحشمك يا طير حوران والنور لو غط ملزوم مع العالم بيشافي |
ناصر:
ان كان منتب تعرف اسناعها منته بهدلان وفعولكم بينه معاد غطاها اللحافي والله لارضيك لا تطلع من الملعوب زعلان لاشك شي يبين وشي للاجواد خافي |
سالم:
اطلب وتاجد ترى كلن معه حظٍ ووجدان كد سارت في وقت البراد امع الهيافي لومك على اللي يجي للملعبة عجزان عجزان ان كان ردت لصفراء ساق وخشوم الرهافي |
ناصر:
انته حصان الطلب لو يطعنه تسعين طعان من يوم اكلت العشاء يا صاحبي فيه العوافي يا عزتي للشداد اللي بليا خرج وبطان عرضني الله حناتيف الحصى عريان خافي |
علي بن عمر الخراشي - الدرعية
هذه محاورة جرت بين الشاعرين الكبيرين ناصر بن سرحان الشيباني - وسالم بن تويم رحمهما الله جرت في محافظة عنيزة
