جيت اعاتبها وقالت لي هلا
ابتسمت وخفت يجرحها العتاب
قلت كاس المر من يدها حلا
خلها لو عشت في هم وعذاب
قدرها معشوقتي شوق وغلا
ساقني سوق الهبايب للسحاب
ان عذلت القلب عنها ماسلا
وإن شكيت الحب قالوا لي شباب
المشاعر طيبها صدق وولا
والمودة تبري جروح المصاب
فاح عطرك يانفل روضة فلا
طاب فالك والعسل بشفاك ذاب
بدر ليلك ونت والشمس ازملا
تاخذ قلوب البشر لولا الحجاب
احسدوني فيك يا الغالي ملا
يفرحون بيوم بعدك والغياب
ودي اعطي كل حسادي جلا
ما ورى باب الحسد اجر وثواب
