لابارك الله في قصيدٍ ,, خذلني
في وقفته مع كامل الوصف والزين
وقت المواقف قال,, شعري,, سألني
وش موقفك ياصاح من ناعس العين
انا رسولك يم قلبه حملني
جملة مشاعر صادقة بين قلبين
كثر الغلا له في كلام جعلني
اصبح وسيط الحب بين المحبين
لصافي المحبه وسرها اللي جهلني
اعطيتكم روحي هديه لحرفين
صبره على الضيقات علمه وصلني
وحالة خفوقٍ قطعته السكاكين
كايد همومه في المواقف جبرني
احملك همه واوفي له الدين
صدق المشاعر منك يمه دفعني
اشاركك في حب غاليك هالزين
مشكور يامن في المواقف نفعني
واصبح رسول الود مابين خلين
