يا من جعلك الولي في نون عيني قمر

يا حبني للقمر لو حال دونه سحاب

العود ما فاح عطره قبل حر الجمر

والحب ما له طعم من دون هم وعذاب

هذا الهوى يا بعد بيض البني والسمر

لولا النوى ما عرفنا قيمة الاقتراب

اصبر وتلقى لصبرك بالنهاية ثمر

يا حلو عقب الضما بالحيل,, طعم الشراب

مافي يدي نهي لظروف الليالي وامر

لا تشتكي لي ولا تكثر عليّ العتاب

راع الهوى يا عشيري مثل راع الخمر

إن حضر خله سلا,, وإن غاب ذهنه يغاب

وأنا بدونك نهاري والله إنه يمر

اثقل من العام وأكثر بالعدد والحساب

ولولاي اعيش الرجا بك يا عديل العمر

يمديه جتك العلوم إني فقدت الصواب