لا تحترين الرد من عاشق تاب
خلاص مليت القلم والكتابه
خلاص مليت الهوى والهوى شاب
في ناظري ما عاد يرجع شبابه
ماتت مطايا حبنا خيل واركاب
وغنى على المسحوب قوس الربابه
موال تال الليل عذب وجذاب
صوته يهز اركان ليلاً سرابه
ينساب مع جو الفضا دون قضاب
هد الغيوم وشق صدر السحابه
بيح خفايا القلب والجرح ما طاب
ينزف من الذكرى غرابيل ما به
يا اللي خيالك لو تغيب أنت ما غاب
يزورني لا نمت حضرة جنابه
اغراب عشنا وانتهى حبنا اغراب
يا صاحبي باب الهوى صك بابه
