* كتب - حمد الشطي
عرضت هنا في عدد الجمعة الماضية قصيدة للشاعر القدير ضيدان بن قضعان موجهة الى الزميل خضير البراق,, وتحمل معنى جميلاً عن اختلاف طباع الرجل ومن يستحق الثناء، وصفات من لا يعتد به ولا يعتمد عليه.
ولأن القصيدة غير معدة للنشر فقد جاءت اكثر من رائعة:
وبنفس الروعة جاء رد الشاعر والصحفي خضير البراق حيث يقول:

يا زين فنجال المحبة ليا دير من كف شغمومٍ بنفسه مسويه ريحة قناده في الدلال المباهير تقعد لها راسٍ عماسه مقزيه راس شرابه غير واضرامته غير ما كل فنجال تقهواه يشفيه من كف ابو منصور عال المواكير ضيدان بن قضعان يا مرحبا فيه الوافي الصافي,, صدوق التعابير العالي اللي طيب ساسه معليه حر يشوف بعيد,, ويهوم ويغير والحر الأشقر بينات مواريه من روس قوم في الليالي المعاسير حديثهم كل يعيده ويرويه أمير في طيبة وفي ربعه امير راع الحجاج اللي يسرك تحفويه له موقفٍ واضح ولا فيه تغيير من قو ميثاقه وراسخ مباديه والطيب ما يوخذ بهرج وتصاوير كم واحدوده بدربه ويخطيه كم واحدٍ وده يوقف على البير ويشرب من الماء,, مير ما هو بلاقيه ما يجمع الولو بروس السنانير الا بغواص يحول ويجنيه والطيب ما يوخذ بجمع الدنانير كم طيب ما صرها في مخابيه ما له رصيد الا الكرم دون توفير وموقف وفا,, لا قال يعنيه يعنيه وان كان يا ضيدان للقول تأثير عز الله انك قلت قول موفيه هذا الشعور اللي يجي دون تكدير اللي من اقصى القلب للقلب مهديه مشكور يا وجه الندى والتباشير يا شاعر بالحب تنضح قوافيه عسى فداك اهل الوجيه المغابير الحاسدين الحاقدين السفافيه ولا يشغلك يا صاحبي نافخ الكير اللي ليا شاف الشرر ما يطفيه هذا كفو للفحم والمسامير مشوه نفسه ويزداد تشويه والطيب يلقى يم سوق العطاطير عندك خبر وانته تدله وتشريه وانا تراني ما عدمت التباصير وصدي عن السيات عفه وتنزيه عند الغضب ما نيب حضب فريفير تكثر وشاويشه وتكثر عزاويه مثل البحر لو صب وسطه زمهرير يوري الرضا والموت يسكن شواطيه وان شفت عي فيه كل المحاذير تلعب عليه النفس وابليس مغويه اشوم عن مثله واخلي المعيثير يرثع بنفسه لين يكشف مساويه أشوم عن مثله ترفع وتحقير وهو يعرف اني لو بغيته ما اخليه خابر,, ويدري وش وراء لفة السير ويشوف بعيونه ويسمع باذانيه والله لاحده فوق روس الشناضير واني لأورده الظما في التهاتيه واسلم ودم يا غالي خضير لخضير وراع الردى عوقه عليه وترديه

في العدد القادم الحلقة الثالثة والأخيرة وفيها مداخلة شعرية لزميل للشاعرين لا يقل عنهما اجازة ستعرفونه يوم الجمعة القادمة ان شاء الله.