* كتب - الحميدي الحربي
في ابيات مفعمة بالصدق,, ملونة بالحزن والأسى يجسد الشاعر الكبير عبد الله السلوم مشاعرنا جميعاً وهو يرفع اصدق التعازي والمواساة الى مقام مولاي خادم الحرمين الشريفين برحيل أمير الانسانية الأمير فيصل بن فهد رحمه الله.
والسلوم شاعر علم وله حضوره الكبير في ساحة الشعر على مستوى الخليج وسبّاق دائماً الى المشاركة في كل مسابقة وطنية.
وقصيدته هذه تعتبر من اروع ما قيل في رثاء امير الوفاء رحمه الله:

مولاي لو دفع الأجل في يد الناس يا كثر من يشري لفيصل حياته لكنها تحسب بساعات وانفاس تقدير خلاق تعالت صفاته وما دام راسك حي يا طيب الراس فالشمل باقي وانت جامع شتاته يا كبر فقد الشهم يا عظم الاحساس اللي على المبدا قوي ثباته فيصل حليف المرجلة زاكي الساس ومن طيب فعله يا كثر طيباته كم جاه ملهوف شكى الهم والباس فرج عنه ضيقه بماله وذاته يشهد له المرضى وشاكين الافلاس اللي بهم وصى وحفظت وصاته وعند المحافل يوم الارياق يباس الى تكلم ما تضعضع قناته واجد صفاته ما لها عد وقياس واصدق كلام اللي شهوده رواته اخذ من اهل الجود عبرة ونبراس ومن جاز له فعله يسوي سواته عسى السحاب اللي سرى ليل الادماس يسقي ثرا قبره ويزهر نباته مولاي علّك بعدها ما ترى باس آمين كلن قالها في صلاته