خبر شد القلوب ويفجع الأقصين والأدنين
يحز قلوبنا حز الشباري لين يقطعها
وجيه الناس شاحبها الحزن في ليلة الاثنين
على امير الشباب اللي رياضتنا يسعها
على امير يودعنا قبل حلول عام الفين
توفاه القدر واللي عطاه الروح ينزعها
من الصدمة وروعتها من الفجعة تفوح العين
تزج الدمع مثل النار يجري مع مدامعها
فقدنا الحب والقلب الحنون ونصرة المسكين
فقدنا اللي فعول الخير يكسبها ويطمعها
فقدنا الوافي الشهم الخلوق معرب الجدين
مصابيح السعادة عقب فيصل من يولعها
عساه بروضة الجنة بجاه اللي يعز الدين
دعينا له وندعيله عسى المعبود يسمعها
من الله جات واللي من جليل الملك ابه راضين
علينا الصبر والسلوان ورب الكون يرفعها
وحنا مع طريقه يم دار الآخر ماشين
مقادير المنية ما شيه والناس تتبعها
ولا ندري متى تأتي ولا عن يومنا دارين
ليا جات المنية يعجز الانسان يمنعها
