يبكون الأقصين قدام المواليني
يبكون فيصل شهور وعدة أعوامي
من لامني يوم أهل الدمع من عيني
يوم الجنازة على الأكتاف قدامي
ابكي ويبكي على الطيب ملاييني
وتبكي بلاد العرب في الشرق والشامي
تبكي على الطيب اللي يقضي الديني
فيصل كريم السجايا مروي الظامي
مواقفه تنعرف فالعسر والليني
عمت عطايا الكريم ابلاد الإسلامي
عنك اليتامى يابونواف راضيني
قلبك وقلب اليتيم إخوان وثوامي
قلب يشيل الوفا ماينقل الشيني
حبه على من يعرفه يفرض إلزامي
تفجير قلبه من اهموم المساكيني
شايل همومه وشايل هم الأيتامي
وشايل هموم الشيابه والمصاخيني
وشايل هموم الشباب بطول الايامي
مع الكرم والحنان المنطق الزيني
تعجز تعدد صفاته حبر واقلامي
مرحوم ياللي مطبق منهج الديني
عليك رحمة عدد مايثمر النامي
عساك في جنة فيها البساتيني
فالخلد ياسيدي مع خير الاقوامي
وعليك رحمة عددصوت المصليني
وعداد من حج بيت الله ومن صامي
ياسامعين بدعاية قولوا آميني
ادعو لمن عن هموم الناس مانامي
