نواف بدموعي وقلبي اعزيك

باللي رحل عنا وخلا مكاني

فيصل جميع الناس اليوم ترثيك

ترثي الوفاء ترثي السخاء والحناني

ترثيك اطفال لقت خيرها فيك

انت الأمل بعيونهم والأماني

تبكي عليك رياض عزك وماضيك

تقول راح اللي بطيبه رعاني

تسأل عليك الدار من حبها فيك

هو وينه اللي بالمحبة كساني

في بسمتك يامير راحة لمغليك

وبكلمتك يامير صدق ومعاني

ياللي سكنت بداخل القلب يبكيك

حبٍ قديمٍ ومانساكم ثواني

ياميرنا تذكر وتشكر مساعيك

ياللي سعيت لخير قاصي وداني

يهل دمع العين لاحل طاريك

دمع عزيز للوفاء ماعصاني

ادعي عسى ربي من النار ينجيك

ويدخلك ربي فسيح الجناني

وياميرنا نواف مرحوم غاليك

فيصل رحل من غير علم وبياني