البارحة عفنا العشاء والوناسات

قو الخبر عل النفوس السليمة

قالوا توفى واعلنوه الاذاعات

مرحوم يا راع اليدين الكريمة

ياما مسح بيده دموع كثيرات

وياما بعطفه شال حزن اليتيمه

وياما ابتسم من فزعته عقب ونات

عقب المرض والياس فرحة عظيمه

مرحوم يا مير الكرم والكرامات

ولد ملكنا ما رضي بالظليمه

قالوا تعزي قلت نرثيه ببيات

والا العزى يبغى جلد مع عزيمه

مدري نعزي او نعزي متاهات

تلخبطت كل الامور القديمه

كل العرب تبغى تعزي بمن مات

ما اعترض والحق عدلا وشيمه

يا الله تجعل مسكنه وسط جنات

في جنة الفردوس ياخذ نعيمه