قالوا توفي قلت ماهوب معقول
فيصل ولد صقر الجزيرة توارا
قالوا: نعم,, وشبك تلفت ومذهول
قلت: اختنقت وبالضماير اعبارا
واحس كن بداخل العين سملول
وغديت مثل اللي جالسٍ فوق نارا
وأنا أحمد الله ماجرى منه مقبول
يجي لنا يوم يضف العمارا
الموت درب ساكينه على طول
ياخذ كبير ولايخلي صغارا
مرحوم ياللي مجلسه دوم مدهول
ولا بنفسه لأي شخص احتقارا
يدين ممدودة لصاحي ومشلول
وياما اغتنى من مدهن الفقارا
على الوفا دايم مسخر ومجبول
وعلى العطا دايم يدينه تبارا
بانت له أعمال وخفيت له فعول
تنفق يمينه دون علم اليسارا
بأمر اليتامى والمساكين مشغول
وللعاجز المسكين حصن وستارا
شال الهموم وشال ضيفان وحمول
وفعله شهد له مسلمين ونصارى
نسل الأصايل والصناديد وفحول
الطيبين الغانمين الحرارا
