عساك يافيصل عن النار معصوم
في جاه رب البيت محصي عبيده
جعلك بامانه ياذرى كل مضيوم
ياابن الذي نظرات عينه بعيده
يامغني اللي مطلع لابنته سوم
من عقب فقره قام يحصي رصيده
ولولا الكرم والعطف ما أنته بملزوم
ولالك لزوم من وراهم تريده
وبنك اليتامى من فضايلك مدعوم
عمان تشهد بالفعول الاكيده
وفعلك ماهو خافي مع الناس معلوم
ومدتك جزله ماتمد الزهيده
عليك من حاتم علامات ورسوم
مثله بفعله وتختلف بالعقيده
عساك من والي المقادير مرحوم
والا المنايا كل شخص تصيده
في جنتن تسكن بها دايم الدوم
ويعطيك ربك كل شي تريده
وعينن مابكتك عصر هكا اليوم
يعل مال الشوف فيها شريده
وتمت وصلوا عد ما بالسماء نجوم
على شفيع الخلق راع الوعيده
