يا الله يامعبود ياخالق الكون
يامنجي يوسف من البير وعداه
امرك يتم بحرف كاف مع النون
ورحمتك وسعت كل عبدٍ ترجاه
ترحم اميراً بعده ايتام يبكون
بعد الابو والام عاشوا بحسناه
وبسمك الاعظم نطلبك له تنجون
ترحم ابو نواف وتمحى خطاياه
في جاه من طافوا مع البيت يسعون
للي بذل روحه وماله لك اهداه
ايتام تبكي ريفها مايلامون
راع الوفا والجود وشلون تنساه
عينه تراقبهم على شان ينسون
فقد الأهل واليتم حلحيل داواه
يعطي خفاء ماوده الناس يدرون
يمناه تخفي عن شماله عطاياه
يباء جزاها يوم بالحشر يقفون
وكلا تجاب اعماله اللي بدنياه
عساك ياغيث اليتامى تفوزون
يوم الحساب ونشرة الصحف منجاه
اعزي الأيتام من خوف يجزون
والرمل والقصار وشيبان تنعاه
وتبكيه رملن مالها رجال يذرون
عاشن على عطفه ومدات يمناه
ويبكيه رجلٍ ضامه العسر وديون
قدم له المقسوم عساه يلقاه
والشعب كله من سمع عنه ينعون
وقالوا عساه بجنة الخلد مثواه
نواف وخالد عقب فيصل يعزون
من راسه الطيب ويمشون ممشاه
