يا الله دخيلك من عظيم الخسارات
خسارة فينا عظيمٍ بلاها
الموت حق وكل مخلوق موات
اجال بيد اللي خلقنا قضاها
يارب زدنا صبر في كل مافات
يا الله يامنزل تبارك وطه
عنا وساعدنا, على فقد من مات
الاحزان بعده واصلة منتهاها
للصبر حكمة منزلة عبر الآيات
الايمان يفرضها على من قراها
هلت دموع الحزن وتفيض عبرات
صرخة وفاء بالحزن يرجع صداها
عينٍ بكت فيصل بكت رجل وقفات
والعين لو تبكي تعبر وفاها
ابو اليتامى له عطايا جزيلات
يمسح دموع عيون زايد بكاها
وأبو الأرامل له على الجود مدات
كم اسرةٍ من جود فيصل عطاها
وابو الفقير اللي همومه ثقيلات
اليا نخى فيصل همومه جلاها
بلسم جروح اللي بلته المصيبات
مصيبته تلقى بفيصل دواها
ريف الضعيف اللي ظروفه صعيبات
كم نفس بعد الله فيصل رجاها
تبكيه جمعية ودور الرعايات
من كف فيصل بالعطايا بناها
وتبكيه هجنٍ لا اقبلن له مشيحات
يوم الضماء يستنهلن عذب ماها
وتبكيه خيل لا اقبلن له مغيرات
تلوذ بالفيصل وتلقي حماها
رمز الشباب وقاد كل المسيرات
وكل الشباب اليوم تبكي اباها
خادم بلاده في جميع المجالات
بعزم الرجال اللي قوية عصاها
شبابها الناضج بعلم وثقافات
رياضيهم كل المراتب رقاها
رفرف علمها في جميع البطولات
تفرض علىالعالم رقي مستواها
قاد العرب حقق لهم كل غيات
حطوا الثقة في من يحقق مناها
قاد العرب حقق لهم كل غايات
حطوا الثقة في من يحقق مناها
يا الله عسى فيصل بدار الكرامات
في جنة الفردوس يقطف جناها
نواف لاتحزن ترى بوك مامات
في ظل ابوك الفهد حامي حماها
