ذأقول يانجمٍ تبيّن وقفّى
عطيت مشوار الشرف كل معناه
ماكل رجلٍ ينبكي لا توفى
ولاكل رجلٍ تبذل الخير يمناه
نبكيك ياشيخ عطا لين كفّى
بالمال والا الجاه ياماحضرناه
ماعن من ينصاه يومٍ تخفّى
فيصل ليا ضاقت علينا نصيناه
راع الوفا اللي دايمٍ مايجفّى
بارواحنا لو ننفدي له فديناه
دنيا كفى الله شرها كم تلفّى
ماقدر المولى علينا رضيناه
عساه في جنات عدنٍ يزفّى
هذا دعاي وكم دعاً له سمعناه
