ياعين ابونا,, من بكيتي اخونا
ودموع شعبك يوم حزنك ذرايف
يوم ارتجف قلبك ,, اهتز السكونا
والتفّت قلوبٍ تفوق الوصايف
وقت الفجيعة,, دوّروا مالقونا
تسابقت نبضاتنا لك زرايف
ناسٍ سبقناهم,, وناس اسبقونا
دمعة وطن ماهي بحاجة حلافٍ
فاحت بجوف اللي عصّه العيونا
وتجرحت منها الوجيه الصلايف
الشاهد الله ,, بالخير روّعونا
قبل امس توه والمشاهر رهايفٍ
يمسح على راس اليتيمه بهونا
ويحضن يتيم ذب عمره لهايف
ياقدرة الله,, بين كافٍ ونونا
سبحان من سن الحتوف الخطايف
ويامن على فرقى الحبيب محزونا
شفتك من الحسرة تعض الشفايف
الخير,, ميراث لابوك مخزونا
شال الثقيلة ما التفت للخفايف
انهض جبينك ,, وانتهض للحنونا
وافرد جناحك للثلاث العفايف
ولعيون خالد كل صعب يهونا
نواف,,! (بسم الله) تهد الكلايف
وياذا القصيده,, بلّغيها لابونا
عبرات شعبه فوق كفّه ذرايف
