مصيبة يوم قالوا بالاذاعة مات أمير الخير
صحيح الموت حق ولايجاوز من دنا يومه
أخذت أسبوع من هول الخبر ماقوى على التعبير
يعيد الفكر مني فعل ابو نواف وعلومه
علومٍ ترفع الراس ولها عند البشر تقدير
نعم ,, كم واحد من فعل فيصل حقق حلومه
رعى دور اليتامى وأنقذ اللي صابه التكدير
بعد ماضاقت الدنيا بوجهه وافتقد نومه
عسى منزاله الجنه وله رب العباد يجير
أمير,, كم فزع للي له الونات مكتومه
تبين بعض فعله بيّنوه اللي بكوه عصير
شهاداتٍ بدت لحظة رحل ماهيب معلومه
دعوا للغالي الرحمه مع التهليل والتكبير
شهود الله بارضه صادقه ماهيب مزعومه
رجانا بالولي يغفر ذنوبه مارجينا الغير
ويعوض نفوس ناسٍ من عقب فرقاه مكلومه
