فيك البقا ياشيخ يوم القضا تم
ماحدٍ يرد اللي كتب بالجبيني
واحسن عزاك اللي للاعمار قسم
فرد صمد ماله شبيه او وزيني
من بعد أبو نواف همٍ على غم
ياشين ذاك اليوم كنه إسنيني
غابت علينا الشمس فيه الحزن عم
الدار ظلما والخلايق ونيني
على الخدود إعيوننا دمعها دم
تذرف على المرحوم باح الكنيني
نصبر على المقسوم والصبر بلسم
يشفي إجروح القلب الله يعيني
وله الدعا منا عسى الرب يرحم
فقيدنا يعطي إكتابه يميني
ويجزاه بالفردوس بالحور ينعم
راع الصخا والطيب ذرب اليميني
وحنا لبوفيصل إعيال وبني عم
نفديه بالأرواح علمٍ يقيني
وإختامها ياشيخنا دوم تسلم
وفيك البقايا للي حميت العريني
