يا الله يامعبود علام الأسرار
ياواحدٍ غيره على الكون مادام
يامحصين خلقه ببره والأبحار
ياخالقن دنياه في ستته أ يام
ومن بعد ذكره قلت من نظم الأشعار
اكتب ودمع العين من حجرها زام
ياعين هاتي دمعك اليوم بصخار
ابكي واضن الي بكا اليوم مايلام
اسباب علمٍ حط بالقلب مسمار
قالو توفى اليوم شهمٍ ومقدام
فيصل يعل بجنت الخلد له دار
ريف الضعافي والأرامل والأيتام
ياما فرجت لواحدٍ كان محتار
وعالجت منهو يشتكي ويل الأسقام
يبكيك شعب المملكة كل الأعمار
نبكي عليك أيام وشهور وعوام
ويبكونك الأسلام في كل الأقطار
من اقصى ديار الهند والترك والشام
مرحوم يافيصل نقوله بتكرار
ندعي لك المعبود بسجود وقيام
ندعي يعله ماتجي جسمك النار
في جاه من لبى ومن طاف بحرام
وفي جاه من صلى على وقت الأسحار
وفي جاه من حج الفريضه ومن صام
منا الدعا والله رحومٍ وغفار
ماخاب عبده لاتنصاه ما انضام
يا الله يارب الملا وآل الأقدار
تجعل خواتيم العمل خير قدام
وكلن بها الدنيا مسافر ومرار
الدايم الله باقي كل الأيام
