عسى الله يرحم طيب الذكر والسيره
امير الشباب اللي علا الطيب في طيبه
امير الرياضة للعرب ماحد غيره
حبيب وقدير ومن كذا تم تنصيبه
صحيب الوفا والطيب والعز والغيره
فلا واحدٍ مثله من الشب والشيبه
شعاع الشموس يبين لو تم تستيره
كما الشمس في نوره فلا شابته شيبه
أعزي ملكنا بالعزا خارج الديره
عساه السلامه من ملمات تصيبه
واعزي ولي العهد طالبك تصبيره
قوي العزايم ساطي في مضاريبه
واعزي بعد سلطان ياربي تجيره
من الوقت لادارت علينا دواليبه
هو النايب الثاني ثقيبه تباصيره
وزير الدفاع اللي صعيبه معاطيبه
واعزي أسير الشوق والفكر في حيره
كذا باقي الأسره وناسٍ تماري به
عسى فيصل بجنات ربي مقاديره
وسط جنة الفردوس يلقى مطاليبه
رضينا بحكم اللي على الخلق تدبيره
حليمٍ على خلقه بلا شكٍ او ريبه
