حل القدر وآمنت بالله وسميت
الأمر لله والخلايق بطوعه
عم الأسى بالبر والسوق والبيت
دنيا تروع صاحبه مايروعه
رحلت عنا يابو نواف وابطيت
واليوم هذا آخر ليالي سبوعه
عزيت من حولي وللنفس عزيت
على فقيد راح صعب رجوعه
اجهش جبلنا بالبكا والتناهيت
تذرف عليك اجبال شمر دموعه
حنت عليك جبال حايل وحنيت
ضاقت من العبرة محاني ضلوعه
كم واحد عض الأنامل وعضيت
راس البهام وهم قلبي يلوعه
وكم من فقيد مد يمناه واعطيت
ياما تهنا عقب فقره وجوعه
عز الله انك بالعطا ماترديت
عساه يوضي وسط قبرك شموعه
يابو اليتامى رجعتك لو تمنيت
اصعب على الرجال من جب كوعه
لنا العوض باللي لفضله ترجيت
رب خلق خلقه وفرق طبوعه
تجبر عزا الوالد فهد شايع الصيت
وتجبر عزا الأسره بكامل فروعه
لهم الولا منا مع الحي والميت
وحايل تفاخر بالولا من ربوعه
