ما يغيب اللي مثل فيصل في هالدنيا ابد

ف السياسة والرياضة والثقافة شايفينه

ما يغيب ولو سألتوا كل شيخ أو ولد

يحكي عن فيصل وطيبه يحكي عن عطفه ولينه

واليتامى والأرامل كل منهم له شهد

بأن فيصل من نخاه مد له يضحك يمينه

له حكاية مع بلاده ولو سألتوا هالبلد

قالت اني عقب موته ياللي تسألني حزينه

هو عطاني كل وقته لا ولا خلا أحد

لجل غيره راح عمره وذبلت اجمل سنينه

هي غريبة ما دريتوا بان أبوفيصل,, فهد

خط له درب يسيره وبالعرب قاد السفينه

صار يملك كل منا عزم واصرار وجلد

لي ذكرنا قيل هذا ولد فيصل عارفينه

وعد مني طول عمري لين أوارى في اللحد

اني ادعي له واضحي بوفي للمحبوب دينه

لك يا بوفيصل عزاي ولك يابومتعب بعد

ولك يا بوخالد وأهله وكل منهم فاقدينه