يا وليفي وان قبلت أعذاري
والله اني معك صافي التيّه
يوم انا احبك عليك اداري
وعاد ليتك يوم احبك ليّه
احترق لاجلك وسبة ناري
فيك ما داني هروج السيه
والله اللي بالخفا يا داري
حطلك وسط الحشا ماريه
أنت يا شاغل جميع افكاري
خاف ربك يا حبيبي فيه
كن يبرى حال خلك باري
شف عظامي كلها مبريه
لا غشاني الليل جيتك ساري
واحضنك مشتاق بين ايديه
وتاخذ اعلومي وكل أخباري
واستمع لعلومك السريه
وكل ماجا للمفارق طاري
اخنقتني العبرة المخفيه
الله أقوى لا تبيح أسراري
للردي لارحم بوه وحيه
خايرٍ ويش آخرة مشواري
بعد هذا الجرح - جرح وكيه -
