ليت السحاب اللي سرى يمت الشرق
ياخذ معه من صادق الشوق غيمه
يرعد ولع ويطالبه بالوفا برق
ويمطر ويبقى زايد الشوق ديمه
على الذي حبه حرق خافقي حرق
ليته درى عن لوعةٍ بي عظيمه
حبه سرق لذة كرا ناظري سرق
ومعه انسرق فكري وروحي سقيمه
حالي طرقها بالهوا سيدي طرق
لا ذقت موت ولا حياتي سليمه
حبه يا بو سلطان ماشي مع العرق
في وسط دمي دورته مستديمه
به يا محمد عن جميع الملا فرق
لو قلت بوصفلك جماله ظليمه
ربي جمع زين الملا غرقه غرق
أوصاف شيمه بالخلايق عديمه
ليت السحاب اللي سرى يمة الشرق
ايوصل اشواق المعذب لشيمه
