يومك صغيرٍ ما تعرف الهوى زين
وش فيك تلعب بالقلوب الكبيره
نسيت يوم في الثرى كتب حرفين
حرفي وحرفك والمدامع غزيره
الحرف الاول لو يجي العمر تسعين
لا ما تغيره الليالي العسيره
والحرف الآخر للأسف بعد عامين
جاه التعالي واعتلى الشك حيره
وبدت شكوك الغدر ما بين قلبين
واقول انا,, معقول يخدع اسيره
وما كان هو خفى كشفناه ذلحين
سود الليالي بينت خط سيره
انا انطبع كره الغدر بي من اسنين
وشلت الوفاء بازكى روايح عبيره
انا الوفاء طبعي بحق المحبين
لا شك خانت بي قلوب صغيره
