غالين لو شلنا عن الدار غالين
يا ويل مجروح الهوى من هواكم
رد النظر بالعين يا داعج العين
وعند الموادع داونا من دواكم
حنا ترى باكر على خير ما شين
المعذرة يا اللي غلاكم تراكم
بدري نشد اغراضنا يوم الاثنين
مع السلامة واستروا ما ولاكم
من عادة الدنيا فراق المحبين
مير اذكروا بعد الفراق اقصراكم
يا اجمل جميلاً شفت مبطي وهالحين
عطني عهودك بالمحبة وهاكم
عهد الغلى والود يا كامل الزين
يا اللي بقلبي عالياً مستواكم
اقولها لو يزعلن المزايين
كل العذارى جعلها من فداكم
يا الطيبين المستحيل الحشيمين
يا كبر والله بالضماير غلاكم
