اكتب وترميها على رف الايام

كتبتها بالدمع واعشق صداها

صوت الغلا في مهجتي مصدر الهام

وهذا شعوري جاك في مبتداها

المده اللي كلها راحت احلام

طالت علينا مالحقنا مداها

انفض غبار سنين عمرك والاوهام

واطلق عصافير الفرح مع شداها

ارسم سنين العمر لوحات رسام

واقطف زهور العمر باول نداها

هات السوالف دمعها نزف الاقلام

خل الجفا والصد يعزف حداها

كتبت الحياه حروفها جمر وآلام

ورفعت راسي خوف باقي رداها

اطو الرسايل وانتهى صبر الايام

اخذ الغلا وانشد بقايا صداها