لاجيت ابا اهرب من عيونك تراجعت
وشلون ابا اهرب والمسافة عيونك
ماهو بكيفي لو عزمت وتشجعت
لو قلت ابا ابعد يكسر العلم دونك
انا بزعمي عقب ما اخضرت واينعت
باغصان قلبي يمهلني طعونك
اثر الغلا زودٍ على ما توقعت
واصدق من الشك الذي في ظنوك
بجنون احبك لو قسيت وتمنعت
للهم قلبٍ ما يموت بجنونك
حلاة عمري يوم في دنيتي ضعت
يا زين لحظة ضعت في وسط كونك
انهل صوتك,, في شتاتي تجمعت
وانسى ضماي ان ظللتني مزونك
يفداك قلبٍ في عذابه تمتعت
يخون قلبي نبضته قبل اخونك
لا لا تقول اني بحبك تسرعت
يا صاحبي يوم وحشتني طعونك
نام وتطمن لو شكيت وتوجعت
ما عاد تغري سكة العمر دونك
