بدر الحويفي - او الدكتور - كما يسميه شعراء جيله,, ومن بعدهم فهو فعلا دكتور معنى ان فتل او نقض.
الحويفي يشاركنا في هذا العدد بقصيدة تحمل عصارة تجربته يهديها كنصيحة لكل من يبحث عن الافضل اذ يقول:

لا تازن الرجال لا شفت زوله وزن الرجال اعقولها يا فتى الجود دلايل الرجال فعله وقوله تحكم عليه بمنطقه علم ماكود ما ينفع الرجال جرمه وطوله لا صار ما يدري عن النقص والزود كسب المعالي ما يجي بالسهوله يصعب على اللي ما يجامل على الكود والمجد عشاق الكسل ما ينوله دربه على اللي يجعل الطيب مسدود وحفظ الشرف مبدأ صفات الرجوله والمتزن ما هو على درب منقود ومرافق الجهال يا بن الحموله نقص على السمعة وتعقيد وعقود وكلن جليسه يقتدي في فعوله المعتدل واللي عن الخير مصدود ومع الاسف بعض العقول معزوله ما تقل بالدنيا لهم رب معبود ما خافوا المولى وطاعوا رسوله اللي له العباد خشاع وسجود ماحسبوا يوم حسابه وهوله يشيب رأس اللي هالايام مالود يطرق منافيذ الخوافق ذهوله يوم الحساب اللي به العبد ماعود باخر نفس لا نوخت به ذلوله يوم التفاهم بين ناشد ومنشود عند الضريح آخر محطة نزوله النفس تصعد والجسد مرتع لدود ياهل العقول المبصرات احسبوله ترى الحياة بلا عمل مابها فود اعمل عمل واطلب من الله قبوله منهج طريق الخير واضح وممهود دامك نشيط وكل شيٍ تنوله ترى السفر له حد والعمر محدود