شرنا في الاسبوع الماضي لغزاً كتبه الشاعر موسم القثامي ويقول فيه :
انا بنشدك عن شيء قديم وللعرب مشهور زمان الجاهليه واشتهر في صدر الاسلامي اله حكام تحكم بين من يحضر يبي له دور سبق عصر المعري والنقائض وابو تمامي |
وجاءت الحلول الصحيحة التالية:
الايا مرحبا با للي عرفنا لغزه المنشور على صفحة من اعداد الحميدي ونظم القثامي ترى الطايف بها سوق قديم وبالفخر مذكور جمع بين الثقافة والشعر في ذيك الايامي |
محمد بن عبدالعزيز الخنيفر
***
جزاء الله رئيس التحرير واخوانه بدون قصور على مجهودهم من دون احددهم بالاسامي عسى ربي يوفقهم حياة هانيه وسرور يعيشون بسعادة مستمره طول الايامي الا يا اللي كتبت اللغز ماقصرتبه مشكور عساك تعيش مع عمرك على الطاعه ميه عامي كشفنا الحل لو حاولت فيه تلف ولا تدور قرينا في عكاظ النابغة يصدر بالاحكامي |
الزلفاوي
***
يفوح الهيل والعود وانتشر في المجلس المعمور على نهج الوفا والمرجله مع طول الايامي وشوف الشيح وزهور الخزام والنفل منثور علىصدر الجزيرة فوقهن ا شاح ووسامي الا يا الشاعر اللي بالعلوم الوافيه مذكور قثامي من رجال طيبهم معروق واحشامي زمان في عكاظ النابغة مسرور يحكم بينهم والعد منه يصدّر الظامي |
محمد بن عبدالكريم العنزي
الزلفي
***
أبا جاوبك ياموسم على لغزك بكل سرور
عبر فاكس الجزيرة ياصلك حله بالأعلامي
أقول الحل سوق عكاظ في عصر مضا معمور
مضاله وقت زاهر بالشعر في ماضي الإعوامي
وحنا اليوم يالحربي نقول بصفحتك مشكور
مدارات التراث تعدها في كل الايامي
حميد بن موسى السليمي
الرياض
****
هلا يامرحبا بالصفحة اللي جالها جمهور جماهيرٍ تتابعها بشوق طول الايامي قريت اللغز بتراث الجزيرة محكماً منشور وسوق عكاظ سوق مشتهر في ماضي الاعوامي وإختمها بتحيات تفوح بريح عطر وزهور نسطرها على الاوراق مكتوبه بالاقلامي |
محمد بن تركي الشلوي
العيينة
***
هلا يا اللي بحل اللغز جهدك للملا منظور هلابك يا القثامي مرحبا بك يا ابن الاكرامي ومن بعد التحية اسمحوا لي في ثلاث سطور حفظكم عالم المستور من دورات الايامي اقول ان الشعر ماهو شعر لاقيل دون شعور مثل فقاعة الصابون لادامت ولادامي بسوق عكاظ كان الشعر له عالم وله جمهور زمان الجاهلية كان يشبه دور الإعلامي ولأن الباقي الأصلح بقى جزل القصيد دهور وصلنا شعر أبو الطيب وعنتر وأبو تمامي |
مطلق الأسمر الشراري
الرياض
***
قرينا بالجزيرة لغزكم والحل جاء ميسور بعون الله صحيح القول ما هو ظن واوهامي بذاك المجتمع شعار مع خطاب والجمهور يسمونه بسوق عكاظ له ميات الاعوامي |
علي رشيد الرشيد
رياض الخبراء
***
تخير لا تحير والمعاني بينه كالنور ونور المعرفة ياصاحبي يحيلا الظلامي ترى شعر العرب بعكاظ ياموسم مضى له دور جواهر باقيه ماتنمحي مع طول الايامي |
مرزوق الجذع العتيبي
الرياض
***
هلا باللي كتب لغز ويبي حله من الجمهور هلابه عدما طير يطير وفي السما حام ترى موسم يبي الموسم يعود من زمان عصور ويحيي سوقنا الاول عكاظ اللي غدا احلام مبارك محمد بن طرجم الصعاوين |
وادي الدواسر
***
هلا يا مرحبا ترحيب يجبر خاطر المكسور يقوله واحدٍ شد الرحال وناوي الشامي بعد ماطاف بربوع الوطن والطايف المذكور وشاهد ماقف اعكاظ وتعلل طيب الانسامي |
فهد ابراهيم عبدالله المسعود
الزلفي
***
أبا أقطع ليال السوء ياموسم وأنا مجبور على بيضا الجناح ولو زمامن دوني الزامي ولكن قبل ما أرخي للرسن مع دربي المصفور أبا ارمي للشبع يوم أستوالي والله الرامي هذل سوق تجيبه حملة الشعار والمنثور يسمونه عكاظ وماردٍ للوارد الظامي |
احمد عبد اللطيف الصالح الثنيان
الزلفي
***
الا يالقثامي جعل حظك مايجيه عثور كما انك رجعت ابنا الى ذيك الايامي في وسط سوق عكاظ تلقى الشعر منثور تجي يمه الشعار عامٍ باثر عامي |
فيصل متعب الشمري
الخفجي
***
بدينا باسم من كوّن طبيعة من فضاء وبحور عظيم القدرة مصرف لياليها والايامي وصلاة الله على اللي مرسله رب الملا بالنور بشريعة ربنا السمحه يحارب شرك واوهامي وكتبت القاف يوم اللغز واضح والسعي مشكور وسوق عكاظ حله منتدى الشعار الاعلامي |
عيد مقبول الفليو الشراري
محافظة القريات
***
قرينا في الجزيرة يا العتيبي لغزك المنشور قريناه وكتبنا الحل ينشد لك في الاعلامي انا اشهد شهادة حق ماتكتب شهادة زور كسبن السوق في التاريخ سجل حبر الاقلامي عكاظ اللي لها سوق قديم وسوقها محصور على الشعر ومجالاته وبه للشعر حكامي |
محمد معيض العضيله
الرياض
***
هلابك مرحبابك يالقثامي والبناء معمور تراحيباً ثمينه عامره مع طول الايامي تنشد واخذ مني العلم جاهز ماني بمعذور علينا حل لغزك يا القثامي واجب إلزامي انا ابقول سوق اعكاظ في عصراً مضى مخبور يعرفونه رجال العلم واهل الشعر قدامي |
جدي بن متعب العنزي
الرياض
****
على قدر العزايم كل رجلٍ يبدي المقدور كلامٍ للعرب ينسب واعيده عبر الاعلامي ويقولون العرب والشعر ربعٍ من قديم عصور وأنا أقول العرب ديوانهم بالشعر كد قامي وهو من سالف الايام ذكره بيّن مخبور وسوق عكاظ فيه اوشاح للشعار ووسامي |
فهد الجروان
الزلفي
***
الا ياشاعرٍ عبر التراث يخاطب الجمهور وينشدهم عن اعمالٍ مضت في ذيك الايامي يقول الشعر في وقت مضاله صاحبه مسرور بسوق عكاظ حطوا للشعر لجنة وحكامي |
مسعد نايف المطيري
هجرة سلطانة الجديدة
***
هلا يامرحباً باللي عطانا لغزه المشهور عدد من طاف بالكعبه وصلى وافطر وصامي انا من بعد ما اقرا اللغز ياموسم وانا مسرور وحل اللغز ياصلكم وانا ملزم به الزامي وسوق عكاظ ملفي اللي بليغ وغارقٍ في بحور بحور الشعر وطروقه وفي بحر الشعر هامي |
عبدالإله حسن القعيري
المزاحمية
***
تذكرت سوقٍ راح مرت عليه عصور بعد ماقريت اللغز مكتوب قدامي تقول إن هذا في عصور الجهل مخبور وأنا قول (سوق عكاظ) معروف ياقثامي |
ذياب هليل المطيري
المدينة المنورة
***
هلا يابن القثامي لغزكم جيد عليكم نور وهو شعر العرب ودوا حلولي لابن القثامي حكمة النابغة بعكاظ لا ظلم ولا من جور زمان فات كان الشعر له قيمة بالاعلامي |
عبدالله حمد بن عبد الله الهنيدي
الرس
