ياللي مسافر عن حياتي على وين
ان كنت رايح لاتخلي حبيبك
ما اقوى على الفرقى وما اقوى على البين
انا غريب ديار وانا غريبك
ماتدري ان الوقت دوار يازين
وسهم رميته يوم لازم يصيبك
قلبي معك وان رحت عام وعامين
لوتهجره وتروح ربي حسيبك
خلك معي خلك على الزين والشين
ماني طبيب قلوب لاكن طبيبك
وإن غبت ما باقي من الناس غالين
من وين انا بالقى جمالك وطيبك
ماعاد باقي لي سوى عدة سنين
واعيش فيها العمر كله عطيبك
وابقى غريب ماتفيده عناوين
ولاعاد ينفعني شبابك وشيبك
واعيش دنيا خالية وسط همين
دامك بعيد ودام ماني قريبك
ياللي مسافر فالسفر موت قلبين
واكيد من وداك لازم يجيبك
