ياهاجس البوح مات الشعر مازرته
طال انتظاره ومات بداخل اعماقي
كان يتحرى قدومك وأنت بشرته
بالصد والبعد والهجران والباقي
شريت عود الجفا واشعلت مبخرته
خليتها في ربوع القلب تنساقي
حتى توفى الامل والشعر وشجرته
واللي بقى في يميني آخر اوراقي
بين الوفاء والجفاء مفهوم غيرته
كيف التباغض تحول حب واعناقي
معاويه من تجرّا يقطع اشعرته
والله يعم بعذاب الخمره الساقي
دمع الغلا لو رموش العين حدرته
كنه من الارض يرقى يم الاحداقي
و(الخِضر) عقب الثلاث انهى معاشرته
ما خفت عقب الثمان ادوي افراقي
اللي يجي من طرفكم ماتكاثرته
الصبر في هالمواقف سيد اخلاقي
اول لياجيت وسط القلب عمرته
قدومك السيل واللي تورق اشواقي
واليوم عقب المطر ماقلت اثمرته
ماتت على جال عدي جرة انياقي
حديتني للفراق المر واخترته
خلك بقلبي، وسافر داخل اوراقي
