لا تستثير اللي بقي بي من اعصاب

يكفيني ما استحملت منك وشلته

خل الطبق مستور لا تكشف اسباب

الموقف اللي منك عشت وحملته

ودك تعسر القلب يمك ولا ذاب

كان الحجر بيلين قلبي دخلته

انا عرفتك شخص عادي وكذاب

والمذهب اللي عشت به ما جهلته

لا ما تراعي لا قرايب ولا اصحاب

طبع الغشيم اللي تحبه نهلته

والله واللي قر لي الستر بحجاب

ان الغلا اللي في خفوقي قتلته

ولو ما بقى في هالبلد غير هالباب

اللي اشوفك منه جيت وقفلته

والخافق اللي حبك اليوم قد تاب

والله تموت بحرتك ما وصلته