في يوم الوطن تتحد المشاعر وتتجمع القلوب على رابط واحد وهو الحب الكبير لهذا الوطن,.
وهنا خالد بن محمد العتيبي يتغنى للوطن بهذه القصيدة الرائعة:

نجد مرباع الوفا والجود والسيف المحنا نجد مدهال الملوك إخوان نوره يالعماوي نجد للي بالرغامة ذكرونا بالمثنى وافتحوا سوق المنايا واشتروها بالمناوي من سلايلهم ولاضاع العهد منهم ومنا دام للسيف المصقل شرع والمنهج سماوي قالها اللي شق نابه وان بدا ماعاد ثنا شاعر له فوق خد سهيل مرقاب وخطاوي سعد عين اللي سواتك ياذرانا لاتمنى فوق عيطا ينثني من دونها ريش النداوي ياوطنا وانت تدري يوم قلنا ياوطنا لعن أبو راس يميل ولاتسنده العزاوي وين يبدا بك رفيع القاف لاهجرس وغنى وأنت عشق من التراب ليا السما والوصف غاوي من ثرى العزين والا من عوايدنا وحنا قوم لو تثني ركبها دنق البرق النحاوي مادرج فينا صغير الا رضع وش لون كنا يتبع السيل المسايل والبكا لام الغطاوي مثل ماختارك محج اختارنا الوهاب لانا نصرة الدين الحنيف اليا انعقد حبل البلاوي دام لك راس يشم الريح وبيوت تبنا نام لاصليت حدر اضلاع مدخلة الجلاوي مايهون ترابك الطاهر ولو هانوك هنا وش نبي بالعمر دونك لارفيق ولادناوي كان ماحنا وقفنا كل ماخب المجنا عقبونا مدة الفنجال وتشوم القهاوي والله انه مايرد الصوت لاعنهم وعنا لين يطول الليل من يطويه والسرحان عاوي ان رموا نطعن ولا من خندقوا بالذل بنا يوم كل يقضي حقوقه على الواد السناوي دارنا زانت وزنا شانت البارح وشنا لاسقى الله شبر من بيدا مهو بالدم راوي بعض الانفس مالها معلوق والمبلي معنى امس ساق الجمع وامسى والضحى قفى خلاوي عقب ماراسه ثقل فوق الكتوف ولاتهنى ماله الا اللي ليا صاحت معه ماهيب تاوي ويوم هبت ريحه الجنة نزلنا عن ضعنا واحتمينا له وجا لمسندس الجنة هواوي كننا يوم شهقت روس البنادق ماسكنا غير في جفن الشهادة والعلوم الها تلاوي كل حي ينتظره الموت منيا ومنا مير ماترث الرجال الا بعيدين الهقاوي مالها الاصيرمي كل ما جاشت تغنى حيّ جرح يرفع الهامة ولاذل يداوي يازمن وان كان لك صوت ليا سافر تعنى مانحنينا غير للي عزنا تقب التهاوي بلغ اللي لابغا لطمة عيونه يمتحنا ماورا هذي كلام ولا ورا هذي رجاوي والله أنا ثم والله ثم والله والله أنا مانقول الا الفعول اللي تنومس كل راوي تحت راي اللي لهم بقلوبنا بيعة وصنا عهدهم من يوم ابو تركي جعف كور الدعاوي شيخنا اللي يوم جالن المصايب واحتونا سل سيف علم اللي كان ناوي وين ناوي؟ ارسل الخيل الجياد الصافنات وعقب جنا في نواصيها بشير الخير والشيطان ثاوي شلع الظلم الحسير اطناب بيته عقب دنا حكمه اللي خلد الميزان بالعدل متساوي قالها اللي شق نابه وان بدا ماعاد ثنى شاعر له فوق خد سهيل مرقاب وخطاوي