ضاع الطريق وتوّهتنا العناوين
بفعل الظروف القاسيات الدخيله
أربع سنين ٍفي كدرها حزينين
والنفس أضحت من عناها عليله
سيف البطا يدمي قلوب المحبين
ويحيي بها كل الجروح الهزيله
ياهيه يكفي بالعنا لاتمدين
روحٍ طواها الشوق ماهي قليله
كنّا على بعد المسافة قويين
واليوم صبري ماقويته وسيله
جسمي براه الهم ليتك تشوفين
والعين من دونك تراها كليله
والبسمة اللي من حياتك تودين
تبدلت باحزان حالٍ قتيله
أمشي مع العالم ولادري أنا وين
هايم تعب من غير وجه ودليله
ماللهوى يافراق عندك قوانين
حمّلتنا من فوق حمل نشيله
حطيتنا لسهوم بقعاء نياشين
ومن بار حظه ياملأ عزتيله
علمي بهم ذاك المساء يوم الاثنين
وقت الموادع والخطاوي ثقيله
تاريخهم يبقى ولوهم بعيدين
تشفع لهم ذكرى الليالي الجميله
