وشلون مرّ الليل,, وانا آتغنا

وأسامر نجومه وأسولف لقمراه

وأخبّره وش صار بالعشق منّا

نضوي شموعه حب ونقول محلاه

حبيب عمري منك قلبي تعنا

جرحين من فرقاك مع خوّة الآه

يرضيك أعيش الهم وأنا آتمنى

شوفة عيونك,, عقب آه وويلاه

شفت الليالي,, مابعد جمعنّا

وكل على ماقيل غنى بليلاه ؟

ماهي سوالف,, هالليالي طونّا

وكل تعذب ياحبيبي بدنياه

الله يفرق شملهن,, فرقنّا

واحنا حبايب دون ذنب جنيناه

أغليك والله والمحبه وطنّا

وجرحٍ من عيونك هلابه,, وحيّاه

ودام القصايد بالغلا تحتضنّا

باهديك أنا كل القصايد مغنّاه

وخّل الليالي يعطن العلم عنّا

الليل,, تحلى خوّته,, وأنت قمراه