ليت التعب ممنوح شرعية الحب
واشيل تكرار الحزن والعقوبه
الحب يالله وش كثر سهل وصعب
فيه انتصار وبه هزيمه وحوبه
في بحر حبك ودي اغطس ولاقب
حوريتي وياك ماعنك توبه
ياسيدة حلمي تراك اخضر الدرب
انتي شمال الحب وانتي جنوبه
أنا المطر كان المطر فوقكم صب
وأنا النسيم اللي عليكم هبوبه
غيمة وترعد بس حب على حب
مثل الحيا يوم البدو بشروبه
يا بنت أنا ماني بدب ولا الدب
وانتي بعد ذربه ولا انتي بعوبه
كان المهاتف والهتف لي ترى طب
ياطب قلب مالقينا طبوبه
الى متى يحول دون الظبى ضب
والصدر صدري والمشاعر جلوبه
من لا مني بك قلت,, يابنت له جب
مثلي يشق القاع لا ضيّقوبه
انتي وجود المتعب المغرم الصب
وان ما حصلتيلي من الحب توبه
