محاورة بين الشاعرين الكبيرين عبدالعزيز حمد البادي - رحمه الله -
وأحمد الناصر الشايع - والتي جرت في محافظة عنيزة
احمد:
مرحبا عدي ماتبدا النجوم بسماها ردةٍ تأصل الاجناب والاهلية اسمعوا هرجتي وشلونها ومعناها جعل من سمعني يسمع شفاعة نبيه |
عبدالعزيز:
البقاء فيك ماتجري النسيم بهواها ياعميل الوفاء والعشرة الاولية ساع طاب الكلام وعرفها اللي قراها انت ياصاحبي عينك علينا جريه |
احمد:
يابن بادي ترى الدنيا بعيدٍ مداها نوب توريك شمس ونوب توريك فيه لي زمانين ماعرف وجهها من قفاها نوب غارة حصان ونوب غارة مطيه |
عبدالعزيز :
كد شبعنا وشابع غيرنا من غثاها به ليالٍ شحاح وبه ليالٍ مديه مابغيتك تخل السالفة في رداها سيرة العام قالوا سيرةٍ غشمريه |
احمد:
قالت لي كلمةٍ قلب الشقا مانساها اثر بعض العلوم اللي تجي قلبيه المواعيد عن درب المسمى كماها ماقضبنا هاذيك ولاقضبنا هذيه |
عبدالعزيز:
انت حريف تبخص بيعها من شراها عارف للرباع وعارف للثنيه واجد اللي تجنب عن مواعد سراها في يميني قضاب السيف قدم السريه |
احمد:
المواعيد قامت تختلف وش بلاها راح عيد رمضان وراح عيد الضحيه كل من كتب له خطوة برجله مشاها دبرةٍ سنها الخلاق رب البريه |
عبدالعزيز :
خاب ظن العلوم وخيب الله رجاها عقب شبت وشابت في جسدها الشكيه أنت نفسك معيه لاتخلي لاتخلي عياها وش جرالك مع الأصحاب فالعبد ليه |
علي بن عمر الخراشي
الدرعية
