خلاصة تجربة ثرية يجسدها الشاعر الكبير عبدالهادي بن راجس في هذه القصيدة:

خذيت من روحي لروحي فوايد ثلاث جزلاتٍ شوي عددها الأوله حبي دخول المساجد والبعد عن من طاعة الله فقدها والثانية حبي لحفظ العوايد والبعد عن ناسٍ كثيرٍ حسدها والثالثة حبي لنظم القصايد لامرت الرجل الحميد يحمدها وزودتها من روح روحي زوايد ألوذ فيها لابليت بنكدها احب رجلٍ بالمهمات كايد لا قلت له ذيك المهمه قصدها لاجا نهارٍ فيه ناقص وزايد يحلها لو كثروا في عقدها واحب زينات البكار النوايد علط الرقاب اليا توفر سعدها خطو الفتاة اللي ظهرها امتعايد لوحت ضباب الورد نارت وحدها صفراً عليها من وبرها شرايد مثل الهنوف اللي صغيرٍ نهدها تلعب نهار العيد والعيد عايد بين الصفوف بخيزران بيدها تنفض جثيل الراس فوق القلايد وتشوف من حبه بداخل جسدها لاضاق صدري والليالي شدايد نصيت لي صفراً تدرج ولدها صفراً لبنها للنشامى برايد في دكةٍ من جاء يبيها وجدها واحب ممشاً بين هدب الجرايد غيدٍ ثمارها نادر في بلدها واحب ممشى بالفياض الجدايد بين البيوت اللي رفاعاً عمدها واحب اخيل مرزمات الرعايد دهم السحاب اللي ثقيلٍ رعدها تضفي على دارٍ تضم البدايد يرتاح بالي لامشيت برثدها برفقة مشاكيل وساع البنايد شقر الحرار اللي ينومس هددها هذا هواي وباقي العمر بايد ولادامت الدنيا لمنهو رصدها