يا مولع النار في قلبي من سنيني
وينك تجي بالموده ثم تطفيها
القلب مفتون في عينك ومشقيني
وعيني من النوم زادت من تجافيها
اقضي بك أحلام عمري وانت خاويني
حتى تجدد حياتي يا معنيها
أخيل غيمة مزن تمطر وترويني
تقرب وتبعد ولا جادت بما فيها
يا صاحبي جرحي من الشوق جرحيني
والعين ترجيك يا محقق أمانيها
روحي في يدينك رهينة كل ما فيني
لاجل الغرام بحبك انته من يداويها
نفسي تعذب بحبك لا تخليني
أنت السعاده لروحي وانت مشقيها
