طمنيني يا مراسيل الغرام

هو ينام الليل ولا يسهره

وخبره يا نجم بعيون الظلام

ولا تعذره وان تناسى ذكره

لا ذكرته طاب لي طيب الكلام

وانتشى فيني رماد المبخره

وان شكيته يكتحل لون الغمام

وينتثر مزن العيون المجبره

ولو سألت العين عن لون المنام

قلت يا ربي عساها تخبره

وين اخاوي والرفيق اصبح عدام

والغروم الى ابيها مبعثره

اشهر الجنحان يا الحظ الهمام

ما بقى في الكون شيءٍ نخسره

وإن تناساك الوفاء قله سلام

الوفاء بالحب ما فاد شعره

والبلا ما هو على جرح يضام

البلا,, لا صارت اجروحك مرَه,,؟

في رجاء الله يا نسانيس الغرام

يا سهرني الليل يانا بسهره