ما غرني كلمة ولا جابني راي

من خلقتي وانا كذا,, صدقيني

اسوق قلبي وين ما تمشي اخطاي

احسب حساب الوقت,, واحسب سنيني

اخذ من الحاضر على وقتي الجاي

وانقل بقايا حسرتي في يديني

ان جيت درب اجيه طايع وبرضاي

اسبق خيالي,, خطوتي قبل عيني

شربت كأس الهم من كف دنياي

مع اختلاف الراي بينك وبيني

ما فادني نوحي وشعري وشكواي

يا ما عطيتك من وفاي وحنيني

من خلقتي وانا كذا ما اسمع الراي

عنيد,, سميني مثل ما تبيني